E inhver leiðrétti Vefþjóðviljann ef það er ekki sama fólkið sem:
Er mest á móti prófkjöri innan stjórnmálaflokkanna en mælir með allsherjarprófkjöri undir nafninu persónukjör?
Taldi „málskotsrétt“ forsetans hið þarfasta þing en trylltist þegar hann var nýttur til að senda Iceasve lögin í þjóðaratkvæði.
Vildi þjóðaratkvæði um stórt og smátt en alls ekki um Iceave lögin.
Telur að hér hafi engar reglur verið á fjármálamarkaði og segir um leið að eftirlitið með að þessum engu reglum væri fylgt hafi brugðist.
Skammast yfir lánasúpunni sem fólk situr í en heimtaði sífellt meira lánsfé til fasteignakaupa og rýmri veðheimildir svo allir gætu keypt?
Taldi krónuna ónýtan gjaldmiðil en veðjaði á hana með því að taka lán í erlendri mynt?
Telur að allir kjörnir alþingismenn séu fífl en allir kjörnir stjórnlagaþingsmenn verði snillingar?
Vill halda uppi framkvæmdastigi hjá hinu opinbera í kreppunni en mátti aldrei heyra minnst á sparnað í góðærinu?
Vill hækka skatta í kreppunni en vildi líka hækka þá í þenslunni?
Vill að við stöndum við skuldbindingar okkar og greiðum skuldir annarra?