Vefþjóðviljinn 280. tbl. 18. árg.
Nú spyr hver upp eftir öðrum: á ekki að afnema undanþágu Mjólkursamsölunnar frá samkeppnislögum? Eru menn ekki að grínast?
Er mönnum alvara með því að framleiðslugrein sem nýtur 6.000 milljóna króna ríkisstuðnings á ári, starfar í landi þar sem bannað er að mestu að flytja inn mjólkurafurðir og framleiðsluréttur er kvótasettur, eigi að starfa eftir samkeppnislögum?
En skrattinn, á hann ekki líka að starfa eftir boðorðunum tíu?
Hvernig væri að byrja á réttum enda í þessu máli og afnema niðurgreiðslur, tollvernd og önnur ríkisafskipti af mjólkurbúskap og mjólkurvinnslu? Er það ekki líklegra til árangurs en að bæta í ríkisafskiptin með svokölluðu samkeppniseftirliti?
Hvernig væri að byrja á því að leyfa samkeppnina áður en samkeppniseftirlitið mætir með samkeppnislögin á staðinn?