Vefþjóðviljinn 175. árg. 16. árg.
Beint lýðræði og fagleg vinnubrögð voru kjörorð vinstri flokkanna áður en þeir komust til valda.
Allir þekkja hvað hug þeir hafa sýnt í verki til hins beina lýðræðis. Þeir hafa greitt atkvæði gegn hverri slíkri tillögu eftir að þeir komust í ráðherrastólana.
Nýlega skilaði svonefnd auðlindastefnunefnd ríkisstjórnarinnar af sér skýrslu. Í fréttum er víða talað um nefndina eins og hún sé einhver fagnefnd sérfræðinga eða eitthvað svoleiðis. Um nefndarmenn segir svo í inngangi skýrslunnar:
Nefnd um stefnumörkun í auðlindamálum ríkisins (Auðlindastefnunefnd) var sett á fót með erindisbréfi forsætisráðherra, samkvæmt ákvörðun ríkisstjórnar 31. maí 2011. Í upphafi var nefndin skipuð þannig: Arnar Guðmundsson formaður, fulltrúi forsætisráðherra; Álfheiður Ingadóttir, fulltrúi umhverfisráðherra; Bjarni Harðarson, fulltrúi sjávarútvegs- og landbúnaðarráðherra; Gunnar Tryggvason, fulltrúi iðnaðarráðherra; Indriði H. Þorláksson, fulltrúi fjármálaráðherra; Ragnar Arnalds, fulltrúi innanríkisráðherra og Svanfríður Inga Jónasdóttir, fulltrúi efnahags- og viðskiptaráðherra.
Um áramótin 2011-2012 urðu þær breytingar að Indriði H. Þorláksson varð fulltrúi sjávarútvegs- og landbúnaðarráðherra og efnahags- og viðskiptaráðherra, Svanfríður Jónasdóttir varð fulltrúi fjármálaráðherra og Bjarni Harðarson hvarf úr nefndinni. Þannig skipuð lauk nefndin störfum sínum.
Ekkert nema gamlir flokksjálkar.