27. tbl. 1. árg.
27. janúar 1997: Kratar hafa haldið því til streitu einir flokka…
að gefa út dagblað þar sem Alþýðublaðið er og sent skattgreiðendum reikninginn fyrir launum Hrafns Jökulssonar og fleiri smekkvísra blaðamanna sem þar hafa alið manninn. Nú berast hins vegar fréttir af því að flokkurinn ætli að hætta útgáfu blaðsins en Guðmundur Á. Stefánsson og fleiri kratar úr Hafnarfirði ætla að taka við útgáfunni. Það verður fróðlegt að sjá hvort Hafnarfjarðarkratar geta komið sér saman um hver á að skrifa í blaðið og svo hver hafi skrifað hvað. Væntanlega fá hafnfirskir útsvarsgreiðendur svo reikninginn, eins og fyrir ýmsu öðru sem Guðmundi þessum hefur dottið í hug á undangengum árum.