F
 |
| Ég er mjög spenntur fyrir þér og svo hef ég aldrei verið skráður fasteignaeigandi. |
ramvegis geta menn óhræddir flíkað því á börunum að þeir hafi aldrei átt íbúð. Ríkisstjórnin hefur ákveðið gera einhleypa leigjendur og þá sem eru enn í foreldrahúsum að fýsilegri kosti en þeir hafa þótt hingað til. Þetta ætlar hún að gera með því að veita þessum hópi ákveðin skattfríðindi. Stimpilgjöld af lánum til fyrstu íbúðarkaupa verða felld niður en hafi menn búið með fasteignaeiganda fá menn aðeins 50% afslátt af gjaldinu.
Svo notað sé orðalag úr lagafrumvarpinu um málið hljómar þetta hér um bil svona: Séu fleiri en einn um lántöku vegna húsnæðis skal niðurfelling stimpilgjalds af skjalinu fara eftir hlut þess skuldara sem uppfyllir skilyrði um fyrstu kaup á íbúðarhúsnæði. Hafi maki kaupanda og skuldara, eða sambúðaraðili, áður verið skráður þinglýstur eigandi að íbúðarhúsnæði skal réttur þess sem uppfyllir skilyrði til niðurfellingar stimpilgjalds aldrei vera meiri en nemur helmingi af annars ákvörðuðu stimpilgjaldi hins stimpilfrjálsa skjals.
Þetta er enn eitt dæmið um að menn hafa á síðustu misserum horfið frá þeirri stefnu sem tekin var fyrir 10 til 15 árum að reyna nú að einfalda kerfið aðeins, það tækist kannski ekki að minnka það mikið en það væri óþarft að hafa það flókið. Nú er helst enginn skattur lækkaður lengur og ef eitthvað er lækkað er alls kyns furðulegum skilyrðum að mæta.
Það hlýtur jafnframt að vera nokkuð umhugsunarefni að ríkisstjórnin reyni að koma húsnæðismarkaðnum aftur í gang með þessum hætti. Er það ekki eina vonin gegn verðbólgunni á næstunni að húsnæðisverð lækki hressilega og dragi hana niður?
FF yrir nokkrum áratugum gekk Ingibjörg Sólrún Gísladóttir Keflavíkurveginn á tveimur jafnfljótum til að mótmæla aðild Íslands að NATO. Í gær sparaði hún sér ferðina suður eftir og flaug með einkaþotu af Reykjavíkurflugvelli til Rúmeníu til að heiðra sama NATO með nærveru sinni.