Kjósendur athugið: Össur er kk og Sigríður Ingibjörg er kvk

Andríki hefur borist áríðandi tilkynning frá Samfylkingunni.

Í tilkynningunni kemur fram að flokkurinn hafi kyngreint alla frambjóðendur flokksins í Reykjavík og birt niðurstöðurnar í aðgengilegri töflu.

samfylking_frambodslisti

Þannig hefur kjörnefnd flokksins komist að þeirri niðurstöðu að  Sigríður Ingibjörg Ingadóttir sé kvk og Helgi Hjörvar sé kk. Össur mældist kk.

Rétt er að taka fram að þar sem vafi lék á niðurstöðum var mælt aftur og aftur þar til tvær samhljóða niðurstöður fengust.

Fleiri dæmi má nefna um niðurstöður rannsóknarnefndarinnar sem eiga sjálfsagt eftir að koma mörgum skemmtilega á óvart.

Mörður Árnason sem skipar heiðurssæti var úrskurðaður kk og Eva H. Baldursdóttir kemur ný inn á listann og er greind kvk.

Þetta er mjög lofsvert framtak hjá Samfylkingunni. Engum er greiði gerður með því að leyna kjósendur upplýsingum um hvers kyns er.

Fjálari (kk) og Fjölni (kk) er þakkað fyrir lán á húsnæði undir þessa skoðun sem fór fram eftir nýjustu tilskipun Evrópusambandsins.

Niðurstöðurnar í heild má finna hér.